Kúl buur bɔbəkól
Kúl buur bɔbəkól á wû ə́ Kuŋgú Bərazavíîl. Yɔ́ á bɔ Muur jinɔ́ nɛ̂ Fandâ báânɔ mwará yéé nɔ bwáân bɔ̄ɔ̄b ləwúûm nɔ ŋgúrūŋ. Bwɔ́ á lə̂ fúndɔ́ dɔɔm lə́ á bɛ̄ɛ̂ á bɔ cíîlə lə̂ shí nyéêz-ə̌ númɔ́ bwɔ́ á ncɔ jtûbəla ŋgɔyíla nyúlə́gá kwáár á mpál shí mɔtwíîl mɔ́ yáz.Bwɔ́ á lə bɛny ncī nɔ kɔkɔ ntɔ́ɔ̂g ncɔ kpwâzəla nyúlə́gá kwáár jínɔ nɛ̂ Yabəla bûŋ Shwiyâ á lə ji-ə. Ŋka bwɔ́ á ncígé bɔ lə̂ jwêgəla məlɔ̄ɔ̄b-ə́, númɔ́ Fandâ á də́ə̂g nɛ̂ nyɔ ɔ́ kɔ bwand nyéé kwáárnɔ njáb buur yéé. Bwɔ́ á ncɔ sáâməlɔ kɔ́ɔ́mb mɔbûg mɔ́ dwâb ntɔ́ɔ̂g kɔ jê lə̂ maan mɔ́ ncī. Bwɔ́ ntɔ́ɔ̂g ncɔ ji lə̂ məfáág mənâ myéêz mə́ mɔ́maan mɔ́ ga. Sə̂ lɛɛŋg bubu ləfwála númɔ́ bəmpuma á jê ntɔ́ɔ̂g ncɔ shumɔ ŋgwála Mɔsaamɔnâ lə̂ mbû 1935. Fandâ báânɔ kúl jéé á bɔ lə̂ laab kól.
Məlû mə́ CID
SÍÎD
Wázə́lá SÍÎD ɔ̂ sə̂ byéêl Mɔsaamɔnâ múûz məmbû mə́nâ. SÍÎD ji lə̂ lɛ̂ny nɛ̂: Wázə́lá mpúrâ buur kə́ nɔ mpɛ́ɛ́z mənjáb mə́ Ncyēmb-ə̂. Wázə́lá ji lə̂ əshú nɛ̂ mwáân á bəkól wíînja nyúûn tâm buur, nyɔ wâg ləkôl nɔ líg mpáámb jéé lə̂ bətwíîmba. Kɔ̂g jib gâ túlɔ bə́ é kɔ kweeb tə́ tû: Mɔdə́ə̂gəla mɔ́ káká nɔ lwɔ́ɔ́məlú ncɔ kɛɛl bílə́gá bubu bəsâ ndə́ lə̂ jala nɛ̂ bə̌ nûmba-ɛ.
Bɔtûrəlɛ bɔ SÍÎD.
Mya pāār bɔtûrəlɛ ɔ̂ sə̂ têla-ɛ́, bwɔ́ ji nɔ məmbû məmbá nɛ̂ bwɔ́ shyêg mpúrâ lə̂ cîŋgəlɔ bwáân bɔ́ bəkól. Yɔ́ nɔ ŋkul kwɔwa bwɔ́ mílə́gá məmbû məmbá mya ŋgúrūŋ nɛ̂ bwɔ́ sheyag. Pāār á mya ga bɔ́ mə̂: Nkouok Serges Alfred, Meke Begne Bernard, Bekolo Blanchard, Abada Gremain, Empal Mboudou giles Aristide, Moatow Claude Brovely, Bom Lucien, Big Jean, Tina tina Luc II, Bitoto Ferdinand, Madame Benkouand née Moakpwe Julienne, Njind Koum David, Ntsouala Eric, Nen Patrice, Empal Jacob Ntsamka Lucie, Akong Marie Victoire.
Mɔdə́ə̂gəla mɔ́ káká
Wííməgâ mɔ́ SÍÎD ji nɛ̂ bwɔ́ də́ə̂ga buur bɔ bəkól bɛ́ɛ̂z lə̂ yirəba mya bwɔ́ é jwɔ̂gəlɔ lɔ̂ŋ Ncyēmb-ə́ lə̂ əkôl dɔ́ɔ́b-ə́ nɔ nɛ̂ bwɔ́ mə̂ lə̂ nûm bela nɔ líg mpáámb jɔ́ɔ́b
Lwɔ́ɔ́mə́lú
Shyéé mɔ́ SÍÎD ji ləjom nɔ ləsagəzɔ mwáân á bəkól yéêz , yɔ mənjáb mə́ Ncyēmb-ə̂ ŋkul lə̂ shyéé jɔ́ɔ́b. Shúgɔ lə́ yirəlɔ lə́ kálaar Ncyēmb-ə́ lə̂ kól, kwíînd nɛ̂ mwáân á bəkól bɔ̂g lə̂ nûmb lâŋ nɔ cil lɔ̄ɔ̄b yéé, jíîgələ mwáân á bəkól lə̂ tuga nɔ ŋkul lə̂ wû lə̂ əjyéêb nɔ nûmb sâ sá kálaar Ncyēmb-ə́ ndə́ lə̂ jíîgələ-ə
Məmbi mə́ bəshyéé
Jimɔ́ shyéé mɔ́ bɔyirəlɛ ji lə̂ ntɛɛŋgələ məcilá myéêz ndə́ lə̂ fulashí-ə́ lə̂ kól nɔ lə̂ yirəlɔ kálaar Ncyēmb-ə̂ lə̂ lɔ̄ɔ̄b wúzá.
Bɔtɛ́ɛ̂lɛ bɔ́ mə́lɔ̂ŋ mɔ́ Ncyēmb-ə̂
Pāār buur bɔ́nâ bɔ́ gǎ ji bɔ̄ɔ̄ŋg á yowa məkwɔ̄ndɔ́ lə̂ táâlɔ buur məlɔ̂ŋ mɔ́ Ncyēmb-ə̂ lə̂ lə̄kôl də́zá-ɛ́ɛ́. Bwɔ́ á sə̂ sâ shyéé jɔ́ɔ́b mbi bwɔ́ á jíîgəla-ɛ̌ kɔ jê lə̂ mɔshyé. Bəzá jâgəla nɔ Ncyēmb-ə̂ nɛ̂ nyɔ shûg bwɔ mɔtag mɔ́mpwɔ́ɔ́mb ndə́ lə̂ jala nɔ bwɔ-ə.
Mínɔ mɔ́ɔ́b bɛ̂: MBADOBO MENKAMBA Claudine, NKOUM BIDI François, ATANGANA Guy. MPOKE Felix Martial.
Páár bɔyirəlɛ bɔ́ mə́lɔ̂ŋ mɔ́ Ncyēmb-ə̂ lə̂ fulashí
Jîg pāār buur ji bɔ̄ɔ̄ŋg ndə́ lə̂ yirəlɔ mə́cilá ndə́ lə̂ kól-ə́ə́, ntɛɛgəlɔ ə̂ fulashí. Sɔ́ɔ́lə́gú wɔ̄ɔ̄ŋg ji lə̂ əshú nɛ̂ mya yɔ́ é kɔ ə̂ fyāāl-ə́ə́, muur ndə́ lə̂ byaambəlɔ-ě, númba jɔ́ɔ́b bûŋ á ncígé nûmb yirəlawa-ɛ, yɔ̂ kwambəlawa. Mínɔ mɔ́ buur bə́zá á jíîg shukûl jɔ̄ɔ̄ŋg bɔ́ mə̂: ABIOL Suzanne Mwará mɔ̌ ZAM kɛɛl ə́ MBOUELA OBAM Didier.
Pāār bɔ́yêgəle
Shukûl bɔyêgəle
Cî muur Fabien LIBOT: Njwíî bɔyêgəlɛ
Buur bɔ́bá mwará nɔ murûm ndə́ lə̂ mɔbaagɛ̂ mə̂-ə́ə́, ji pāār buur bɔ́ á mɔshwɔ́ɔ̂g á ncɔ jíîgəle nɔ fyéêl bɔ́yêgəle-əə. Murûm nɔ jínɔ nɛ̂ Fabien LIBOTH ncúgɔ́ bɔnjíîgəlɛ mɔ́ bɔ́yêgəle bɔ́ shukûl ə́ CABTAL nɔ njila-būūg, mwará nɔ jínɔ nɛ̂ Rita mwará mɔ́ FOTSO.Myêr kwoŋ bɔ́yêəle ɔ̂ sə̂ bii númbá-ɛ́ɛ́, ji lə̂ jala nɔ kǎ kɔ jíîgəle mə́byágá nɔ wɔ̄ɔ̄ŋg yɛ́ɛ̂z ndə́ lə̂ ceel lâŋ nɔ cil ə́kól-ə́ə́. Shukûl jɔ̄ɔ̄ng á sə̂ shyéêl ə́ Messamena lə̂ ŋkwoond Novembre 2023.
Rita mwará mɔ́ FOTSO: Njíîgəlɛ bɔyêgəle
